Kaž kóžde lěto woswjećichmy w našej rjanej wjesce swjedźeń “mejemjetanja”. Nowosćan dźěćaca bobrija je so zaso tydźenje dołho na wotměnjacy program spřihotowała. Zahrachu na instrumentach, spěwachu ludowe a internationalne spěwy a hrajachu dźiwadło.
Tež hdyž njeběše wjedro najlěpše, je so cyła wjes zhromadźiła, zhromadnje kóždolětny Knut – swjedźeń swjećić. Mokrota a děsć njejstaj nas wotdźerželi sej mały wohěńčk zapalić a na čerstwym powětře sej zabawjeć. Zabawa?
30.12.2018 přeprošachmy sej rentnarjow wutrobnje na jich hodowničku. Při kofeju a kusku tykanca a dobrej nalady powědachu rentnarjo přez najwjetše a najstarše stawizny našeje wjeski. Dźěći přihotowachu so hižo dołho na tutón dźeń a su rentnarjam z rjanym programom smječe do mjezwoča kuzłali. Popołdnjo běše za rentnarjow dobra wotměna k wšědnjemu dnjej.
Při našim kulturnym domje startowachmy zaso mału akciju. Wonkownu lěžownosć smy zaso rjenje frinkolić dać chcyli. Naši mužojo rězachu stare hałuzy a z pomocu dźěći běše lisćo spěšnje zrumowane. Mnoho žołdźow su nam z štoma padali a tute darichmy hajnikej za picowanje swojich zwěrjatow. Ćežke dźěło bu z dobrym wobjedom spěšnje zabyte.
Z 24 wosobami, bě lětuši turněr dwójneje hłójčki derje wopytany.
Tučasnje je naš kulturny dom njewobsadźeny, tak smy sej čas wzali, a raz wšitko z kulturneho domu wurumowali, wšitko wotlěpili a znowa wobarbili. Muže su wjerch porjedźili a znowa špachtlowali. Žony su wšelke škleńcy wumyli a wšitko njekmane wotstronili.
04.02.2018 woswjećichmy při našim kulturnym domje swjedźeń “Knut”. Při najrjeńšim wjedrje a promjenitym módrym njebju započinachmy w 16.hodź z palenjom hodownych štomow. Wjacore wobrazy widźiće tu.
Při našej dźěłowej akciji smy při kulturnym domje spadnjene štomy podrězali a wotstronili. Kompletna zelena płonina bu wot lisća wuswobodźena.