Prěni serbski grand prix dwójneje hłójčki

Prěni serbski grand prix w Nowoslicach z wuspěchom było. Dohromady su sej 31 zahorjenych karty placarjow k nam dojěli, tež hdyž běše risiko infekcije „coronoweho“ wirusa wobstějacy.

 Turněr započinaše so w Pěskecach, dale do Konjec, Smječkec, Sernjan, Chrósćic a naposled finalne koło tu pola nas w Nowoslicach. Koncentracija běše wulka a nahlada w hrě běše napjata. Njeběchu jenož starši knježa zastupjeni, ale wuhladachmy tež młodeho hrajerja, Michała Wowčerja z Kozarc. Wón běše najmłódši hrajer wječora a praji sam, zo jemu to ničo njewučini, wšako ma na karty placanju swoje wjeselo. Tola turněr dwójneje hłójčki njeje jenož „sport“ za muži, ale tež jenička žona je tu sobu karty měšała. 32-lětna Andrea Čornakowa z Ralbic praji, zo čuje so tu mjez mužemi derje přiwzata a integrowana. Poprawom njeje wona sama. Jeje sotra je tež zahorita karty placarka, tola na tutón wječor sej njeje sobu dojěła. Najwjetšej konkurentaj prěnjeho serbskeho grand prixa staj Jan Zahon ze Sernjan a Herrman Wocko z Hrańcy. Jenički dypk jeju dźěleše. Wobaj pak njeběštaj z jich kartami spokojom, tón jedyn wije z hłowu, tamny swari přez swój wuběr. A wulka překwapjenka, wšako žadyn wobeju njeje dobyćer wječora. Najlěpši hrajer grand prixa je Ludwig Bjeńš ze Sernjan, kiž bě w cyłkownym hraću třěće městno wobsadźił, tola w finalnym kole so z 490 dypkami přesadźi a dweju kontrahentow přesćahny. Z tym je wón lětuši dobyćer prěnjeho serbskeho grand prixa dwójneje hłójčki. Zo běše tutón wječor tajki wuspěšny, z tym njebě nichtó ličił. Tójšto wjesołych a napjatych mjezwočow so nětko hižo na přichodny grand prix přihotuja. A tam so wězo kóždy nadźija, zo změje wot spočatka, dobre karty a na kóncu wulku a finalnu ličbu dypkow.

 

Kontakt

Adresa: Kulturny Dom Nowoslicy
  Młynski puć 5
  01920 Ralbicy-Róžant
   
Telefon: 0152 017 077 03
  0152 272 762 78
   
Emaljowa Adresa: info@kulturhaus-nausslitz.de

Přidatny Informacije

Partyjowy serwis und pensija: Diener Ludwig
  Müllers Küchenmeisterei
   
 Hudźba a zabawa: Dr. Taste
  Jankahanka
   Horjany
   
   
© 2018 Kulturhaus Naußlitz. All Rights Reserved. Designed By Webdesign Kutter

Please publish modules in offcanvas position.